Akureyri tyllti sér á toppinn með stórsigri á ÍBV U

Akureyri Handboltafélag er komið í efsta sæti Grill 66-deildarinnar eftir öruggan ellefu marka sigur á ÍBV í Íþróttahöllinni í kvöld. KA getur endurheimt toppsætið á morgun þegar liðið fær Míluna í heimsókn.

Akureyringar mættu virkilega ákveðnir til leiks og voru greinilega staðráðnir í að byrja nýtt ár með stæl. Akureyrarliðið hafði töluverða yfirburði frá upphafi til enda og leiddi með níu mörkum í leikhléi, 18-9.

Í síðari hálfleik voru sömu yfirburðirnir og hélt Akureyrarliðið áfram að auka við forystuna. Fór að lokum svo að Akureyri vann ellefu marka sigur, 34-23.

Markaskorarar Akureyrar: Hafþór Már Vignisson 8, Arnór Þorri Þorsteinsson 5, Garðar Már Jónsson 4, Brynjar Hólm Grétarsson 4, Arnþór Gylfi Finnsson 4, Jóhann Geir Sævarsson 3, Karolis Stropus 3, Patrekur Stefánsson 2, Friðrik Svavarsson 1.

Arnar Þór Fylkisson og Haukur Brynjarsson stóðu vaktina í markinu með sóma.

Markaskorarar ÍBV U: Bergvin Haraldsson 10, Daníel Örn Griffin 5, Ágúst Emil Grétarsson 3, Friðrik Hólm Jónsson 2, Logi Snædal Jónsson 1, Páll Eydal Ívarsson 1, Ívar Logi Styrmisson 1.


Athugasemdir

Sparaðu um leið og þú styrkir strákana okkar

  • Orkan og Orkulykill

    Orkan og Orkulykill

    Fáðu 10 krónu afslátt á lítrann um leið og þú styrkir Akureyri Handboltafélag með Orkulyklinum!

    Lesa meira