Lokahóf AHF - Arnar Þór Fylkisson bestur

Leikmaður tímabilsins 2017-2018.
Leikmaður tímabilsins 2017-2018.

Lokahóf Akureyrar Handboltafélags fór fram í gærkvöldi við hátíðlega athöfn í Íþróttahöllinni á Akureyri. Leiktímabilið 2017-2018 reyndist ansi gjöfult hjá félaginu og hápunkturinn var klárlega sannfærandi sigur AHF í Grill 66-deild karla. Snýr félagið því aftur á meðal þeirra bestu eftir eins árs fjarveru.

Yfirburðir AHF í Grill 66-deildinni voru talsverðir og tapaði liðið aðeins einum leik en það var 10-0 tap gegn KA. Lauk liðið keppni með langbestu markatölu deildarinnar, 114 mörk í plús.

Akureyri Handboltafélag féll úr leik í 16-liða úrslitum Coca-Cola bikarsins með naumindum þar sem liðið tapaði fyrir Gróttu með minnsta mun, 28-29.

Akureyri lék því alls 20 leiki í vetur, sigraði sextán, tapaði tveimur og tveimur lauk með jafntefli.

Ungmennalið Akureyrar átti ágætis tímabil og var aðeins einum sigri frá því að vinna sér sæti í Grill 66-deildinni. Akureyri U lék 18 leiki í 2.deild karla, sigraði tólf en tapaði sex. Liðið mun því leika í sömu deild á næstu leiktíð.

Á lokahófinu í gær voru veitt verðlaun til þeirra leikmanna sem þóttu skara fram úr í vetur.

Akureyri

Besti leikmaður: Arnar Þór Fylkisson
Besti sóknarmaður: Patrekur Stefánsson
Besti varnarmaður: Friðrik Svavarsson
Efnilegastur: Hafþór Már Vignisson

Akureyri U

Besti leikmaður: Sigmar Pálsson
Besti sóknarmaður:
Jason Orri Geirsson
Besti varnarmaður:
Óðinn Freyr Heiðmarsson
Efnilegastur:
Aron Ingi Heiðmarsson


Athugasemdir

Sparaðu um leið og þú styrkir strákana okkar

  • Orkan og Orkulykill

    Orkan og Orkulykill

    Fáðu 10 krónu afslátt á lítrann um leið og þú styrkir Akureyri Handboltafélag með Orkulyklinum!

    Lesa meira