Nýr leikmaður AHF

Marius Aleksejev handsalar samning við Þorvald Sigurðsson
Marius Aleksejev handsalar samning við Þorvald Sigurðsson

Akureyri Handboltafélagi hefur borist liðsstyrkur þar sem hinn 36 ára gamli Marius Aleksejev hefur skrifað undir eins árs samning við félagið.

Marius er þrautreyndur markvörður sem hefur leikið 102 landsleiki fyrir A-landslið Eistlands en hann lék sinn fyrsta A-landsleik átján ára gamall. Hann er 195 sentimetrar á hæð.

Marius á langan atvinnumannaferil að baki en hann varð tvívegis eistneskur meistari með Kehra Tallin áður en hann færði sig um set og samdi við Wacker Thun í Sviss. Hann hefur einnig leikið með Kadetten Schaffhausen, Lakers Stafa og Luzern í Sviss auk þess sem hann var um tíma á mála hjá finnska úrvalsdeildarliðinu Rihiimäen Cocks.

Hann lék fjölmarga Evrópuleiki með þessum liðum og býr yfir gríðarlegri reynslu.

Á síðustu leiktíð lék hann í þýsku C-deildinni með HF Springe og hjálpaði liðinu að hafna í 4.sæti austurdeildarinnar, ellefu stigum á eftir stórliði HSV Hamburg sem vann deildina en auk HSV fóru Grosswallstadt, Ferndorf og Bayer Dormagen upp úr deildinni.

Marius er mættur til Akureyrar og bjóðum við hann hjartanlega velkominn til félagsins.


Athugasemdir

Sparaðu um leið og þú styrkir strákana okkar

  • Orkan og Orkulykill

    Orkan og Orkulykill

    Fáðu 10 krónu afslátt á lítrann um leið og þú styrkir Akureyri Handboltafélag með Orkulyklinum!

    Lesa meira